التخطي إلى المحتوى

 

 

هو ازاى الناس بتقول فيه عندنا أزمة فى العملات الصعبة وفى نفس الوقت الاحتياطي النقدي بيزيد؟ وايه علاقة الاحتياطي بالتدفقات الدولارية اللى استقبلتها مصر الفترة اللى فاتت ؟وهل ارتفاع الاحتياطي معناه ان أزمة شح العملة بتخلص خلاص؟

 

من ساعات أعلت البنك المركزي ارتفاع احتياطي النقد الأجنبي لمصر إلى 46.383 مليار دولار بنهاية يونيو اللى فات مقابل 46.125 مليار دولار بنهاية مايو 2024  بزيادة قدرها 258 مليون دولار.

وكشف البنك المركزي المصري عن وصول أرصدة الذهب المدرج باحتياطي النقد الأجنبي لتسجل 9.485 مليار دولار بنهاية يونيو 2024، مقابل 9.557 مليار دولار بنهاية مايو الماضي.

ووفقا للأرقام الرسمية ارتفعت قيمة العملات الأجنبية المدرجة في الاحتياطي النقدي لتسجل 36.889 مليار دولار بنهاية يونيو، مقابل 36.55 مليار دولار بنهاية مايو، فيما ظل رصيد حقوق السحب الخاصة عند نحو 12 مليون دولار.

طب ازاى الاحتياطي بيزيد وعندنا أزمة دولار ؟

بص يا سيدي مصردخلها الفترة اللى فاتت كمية كبيرة من الدولارات من صفقة راس الحكمة ومن صندوق النقد وكمان من مؤسسات تمويل تانية وجزء كبير من الدولارات راح لسداد التزمات وخدمة ديون وجزء تانى دخل البنك المركزي كاحتياطي وعشان كدهحصلت طفرةكبيرة فى الاحتياطي الفترة اللى فاتت

ورغم أهمية الاحتياطي النقدي لأى بلد ودوره المهم فى تأمين احتياجات الدولة الا ان  ناس كتير ما تعرفش يعنى ايه احتياطي النقد الأجنبي؟ وايه أهميته؟ وامتى بيتم استخدام وبيستخدم في ايه.. وفى الفيديو ده هنقول لحضراتكم كل المعلومات اللى عاوزين تعرفوها عن الاحتياطي وأهميته لأى بلد وطبعا ليه هو مهم فى مصر بصورة اكبر

والاحتياطي النقدي معناه ببساطة ان الدولة يكون عندها مخزون من العملة، سواء دولار أو إسترليني أو يورو.. وبتكون الفلوس دي محفوظة في البنك المركزي للدولة.

حد ممكن يسأل.. طب الاحتياطي النقدي بيجي منين وازاى بتستفاد منه الدولة؟

الاحتياطي النقدي بيتكون لما كل اللي بيخرج من مصر وكل اللي بيخش مصر من عملة .. الفرق بينهم يطلع.. ولو كان الفرق بينهم زيادة في العملة مش نقص فدا بيكون عندي «حصالة» فلوس واللي بتتسمى «احتياطي نقدي».

طبعا هاتسأل تاني وتقول.. طيب واية اللي بنستفيده من دا؟

الدول بتحطه كدا على جنب  وماتستفادش منه  بحاجة.. لأ طبعا في إفادة.. وهي أن الدول بتستثمر في الفلوس الاحتياطية دي في مشاريع سريعة الربحية.. يعني ماينفعش تستثمره في العقارات مثلا علشان الأرباح بتتأخر.. امال اية… الفلوس دي الدول بتشغلها برة في بنوك أوربا مثلا لو كان العائد عليها كبير وممكن تشتري بيه كمان أسهم وسندات وتستفيد من نسبة الفايدة اللي بتقدمها المصارف العالمية.

و في مميزات تانية مهمة، وهو أن الاحتياطي دا بيحافظ على أموال المودعين.. يعني لو لا قدر الله بنك من البنوك تعرض لأزمة أو سرقة مثلا.. فالبنك المركزي للدولة بيروح بسرعة مقدم فلوس من الاحتياطي النقدي علشان فلوس المودعين ماتروحش.

ولازم نكون عارفين أن الاحتياطي النقدي دا بيكون ليه دور  مهم جدا في الاقتصاد القومي،  وأي دولة بتحدد عليه قرارات وسياسات اقتصادية مهمة، لأنه بمثابة معيار  لقوة أو ضعف الدولة اقتصاديا سواء على الصعيد الدولي أو الإقليمي.

يعني لو كان حجم الاحتياطي النقدي لأي دولة عالي فبتكون الدولة قادرة علي انها تدبر اتفاقيات للاقتراض من المؤسسات الدولية والإقليمية طالما هي عندها احتياطي نقدي قوي، وكمان بيمثل ضمانة للدولة أمام الجهات والمؤسسات دي.. مصدر ثقة يعني.

وبيتكون الاحتياطي النقدي لمصر من غطاء نقدي من العملات الأجنبية بالإضافة لاحتياطيات من الدهب المودع في  خزائن البنك المركزي المصري



مصدر الخبر

التعليقات