السجن 15 سنة لـ قاتل عشيق زوجته بحدائق المعادي

الإثنين 10/يونيو/2024 – 04:59 م

قضت محكمة جنايات القاهرة بمعاقبة المتهم بقتل عشيق زوجته وآخرين بالسجن 15 عاما، في واقعة مقتل شاب بمنطقة حدائق المعادي، على خلفية علاقة آثمة بين المجني عليه وزوجة المتهم الأول، وأن الأخير أجبر زوجته على استدراجه بعد اكتشافه خيانتها له وتعدى عليه حتى توفي.

اعترافات المتهم بقتل عشيق زوجته

حصل القاهرة 24 على أقوال المتهم الأول في الواقعة، وجاءت أقواله كالآتي:

اللي حصل أنا متجوز من أسماء.م، من سنتين ومخلف منها بنت، وأنا بشتغل سواق توك توك، بنزل الصبح بدري وبرجع بليل متأخر وسايب مراتي وبقفل عليها باب الشقة بالمفتاح وأنا نازل رايح شغلي علشان هي كذا مرة تعملي مشاكل مع الجيران، وبخلى أختي عائشة تشقر عليها في البيت وتشوف طلبتها.

وأضاف المتهم بقتل شاب حدائق المعادي: يوم الخميس 21 ديسمبر 2023، أنا بعد ما خلصت الشغل بتاعي روحت على بيت أختي عائشة علشان أنا متعود كل يوم بعد ما أخلص شغلي أعدي عليها علشان أديها يومية التوك توك علشان التوك توك ده بتاعي أنا وهي، ولما روحتلها البيت قالتلي شوف مراتك بتعمل ايه وفتحت الموبايل بتاعها وكان متسجل عليه مكالمة فيها مراتي أسماء بتكلم واحد اسمه اشرف وكانت بتقوله إنها قاعده في البيت لوحدها وإن أخت جوزي نزلت من البيت علشان تجيب طلبات ليا وانها شوية وهترجع وتجيبلي الطلبات وبعدين تمشي، فعوزاك تيجي علشان تعمل معايا علاقة، وهو رد عليها وقالها انه هيبقي يجلها وانا لما سمعت كده فضلت مش مصدق ومقولتش لمراتي أسماء حاجة.

وتابع المتهم بقتل شاب حدائق المعادي: يوم السبت جت عائشة عندي البيت ولما هي جت أنا مسكت مراتي أسماء، وقولتلها انتي بتكلمي رجالة وبتخليهم ييجوا البيت عندي وهي في الأول قالتلي الكلام ده مش صح وأنا جبت موبايل اختي عائشة، وسمعتها المكالمة وهي قالتلي أنا مش هعمل كدة تاني فأنا مسكتها وضربتها على وشها وسالتها مين أشرف ده، وهي قالتلي إنه أشرف ابن الست اللي ساكنة معانا في البيت، وأنا سألتها هو بييجي عندك إزاي وهي قالتلي انه بييجي من الشباك بتاع المطبخ لما انا بنزل وأنا بعد ما عرفت كده نزلت أنا واختي عائشة، وقفلت باب الشقه على مراتي أسماء وقولت لأختى عائشه أنا عاوز أمسك الواد ده وهو قاعد مع مراتي في البيت.

وواصل: هي قالتلي خلاص هخلي أسماء تكلمه على الموبايل وتجيبه البيت ولما ييجي تكون احنا عارفين وتمسكهم وأختي عائشة قالتلي نخلى مراتك أسماء تروح تقعد مع صاحبتها بدار السلام، وفعلًا خليت مراتي أسماء تسيب البيت وتروح شقه صاحبتها علشان تكون تحت عنينا ومتعدش في البيت لوحدها واختي عائشه بعد كده خلت مراتي أسماء تكلم أشرف ده وتتفق معاه انه يجي البيت وهو اتفق معاها انه يجيلها يوم الإثنين علشان عنده شغل وانه هيجلها بعد العصر واختي عائشه قالتلي انها خلى أسماء تروح البيت يوم الإثنين علشان تستنى اشرف.

وأكمل المتهم بقتل شاب حدائق المعادي: ولما جه أشرف دخلت البيت لقيته هو ومراتي على السرير وقالع البنطلون، فضربته وربطته بحبل وقعدت أضرب فيه بماسورة واختي وصاحبتها كانوا بيضربوا فيه، وبعدها كلمت الشرطة تيجي تاخده، وفي الآخر عرفت انه مات.