التخطي إلى المحتوى

 

 

يا ترى ايه اللى هيحصل فى شهر سبتمبر الجاي؟وليه الحكومة قررت تأجيل زيادة أسعار الكهرباء لنهاية الصيف؟وايه علاقة صندوق النقد باللى بيحصل فى ملف الطاقة واسعار البنزين والسولار؟

 

من أيام تم نشر تسريبات عن نية الحكومة تأجيل رفع أسعار الكهرباء لنهاية شهر سبتمبر الجاى بعد ما انتهت فى 30 يونيو فترة العمل بأسعار الكهرباء الحالية في وقت كان بيترقب فيه المصريون زيادة جديدة في الأسعار وسط استمرار أزمة انقطاع الكهرباء.

ورغم تصاعد التوقعات خلال الساعات اللى فاتت برفع أسعار الكهرباء في مصر بداية من يوليو الا ان وزارة الكهربا لسه لحد دلوقتى ما أعلنتش تعريفة جديدة لأسعار شرايح الكهربا وهيتم العمل بالتعريفة القديمحتى اشعار اخر

طب ليه الحكومة قررت تأجيل تحريك أسعار الكهربا لشهر سبتمبر؟

الحقيقة فيه أكترمن سبب لعدمزيادة اسعار شرايح الكهربا أولهم ان فيه أزمة كبيرة حاليا فى انتاج الكهربا فى مصر والحكومة اضطرت انها تنفذ خطة تخفيف أحمال لمواجهة النقص الكبير فى الغاز والسولار المطلوب لتشغيل محطات الكهربا بسبب أزمة نقص العملة اللى بتعانى منها مصر بقالها اكتر من سنتين

وفي يونيو اللى فات قالت مصادر رسمية بوزارة الكهرباء إن نسبة الزيادة في شرائح الكهرباء قد تصل إلى 30% للشرائح الأولى التى تدعمها الدولة، فيما تصل نسبة الزيادة في باقي الشرائح إلى 40%.

وبدأت الحكومة تنفيذ خطة لتخفيف أحمال الكهربا في فصل الصيف بسبب ارتفاع درجات الحرارة بلغت ذروتها الأسبوع اللى فات بعد ما تمت زيادة مدة انقطاع التيار الكهربائي إلى 3 ساعات قبل ما يطلع رئيس الحكومة فى مؤتمر رسمي ويؤكد تخفيضها الى ساعتين على ان يتم وقف التخفيف نهائيا فى نهاية 2024 ووعد بان الدنيا هتتتحسن بشكل كبير فى الاسبوع التالت من شهر يوليو الجارى

طب ايه علاقة صندوق النقد بتأجيل زيادة اسعار الكهربا؟

وفقا للجدول المعلن من مصر والمسئولين فى الصندوق فيها بعثة هتوصل مصر فى سبتمبر لاجراء المراجعة الرابعة لقرض ال8مليار اللى مصر اتفقت عليه مع الصندوق والحكومة شافت ان لسه قدامها فرصة كمان شهرين لتطبيق الزيادة على اسعار الكهربا وبتدي نفسها مهلة ووقت شوية تقدر تحل من خلاله ازمة انقطاع التيار عشان تقدرتعلن عن الاسعار الجدية خصوصا وان فيه حالة من حالات الغضب الكبيرة بين الناس بسبب قطع الكهربا لفترات طويلة

وبكده قبل المراجعة الرابعة هتكون الحكومة نفذت واحد من أهم شروط الاتفاق مع الصندوق بتقليل الدعم الموجه للكهربا وكمان ده هيشمل أسعار المواد البترولية الجديدة اللى المفروضهيتم الاعلان عنها خلال ايام قليلة



مصدر الخبر

التعليقات