خناقة على سناب شات.. أقوال والد المجني عليه بواقعة مشاجرة مدرسة منهاتن الدولية بالبساتين| خاص

السبت 27/أبريل/2024 – 12:31 ص

كشفت التحقيقات في واقعة مشاجرة مدرسة منهاتن بالبساتين، إطلاق والد أحد الطلاب 3 طلقات، ما أثار الرعب والذعر في نفوس الأهالي والطلاب في الواقعة.

مشاجرة مدرسة منهاتن الدولية بالبساتين

وحصل القاهرة 24 على نص التحقيقات في القضية رقم 7604 لسنة 2024 جنح البساتين، والثابت به بعد الاطلاع على المذكرة المحرر بفحص بلاغ مشاجرة أمام مدرسة منهاتن الدولية بزهراء المعادي.

وباستجواب الحسين محمد، والد الطفل المجني عليه لدى جهات التحقيق، قال: أنا لمّا وصلت ابني كان بيعيط ومنهار وفيه كدمات في وشه وفي رأسه، وعرفت من ابني إن الخناقة حصلت بسبب مشادة على جروب المدرسة ما بين طالب في البريتش وابني وكان معاه اتنين كمان.

واستكمل الحسين محمد، صاحب شركة استيراد وتصدير أمام جهات التحقيق: هو الموضوع مرة واحدة تطور وعرفت من ابني إن الخناقة حصلت في المدرسة وهو خارج من باب المدرسة عادي ومرة واحدة فوجئ بأطراف الواقعة بيضربوه وهو رايح يركب مع السواق اللي بييجي ياخده.

مشادة على سناب شات 

وأضاف والد المجني عليه، الواقعة بدأت بمشادة على سناب شات وأنا مكنتش أعرف غير لما ابني قالي، وعرفت منه إن المتهم أ. ج وم.م والطفل ياسين.م  كانوا موجودين في نفس الوقت وضربوا ابني قدام المدرسة وعرفت من الكاميرات ومن شهادة الشهود.

وأردف: الخناقة حصلت في مدخل مدرسة منهاتن قسم الأمريكي وكان فيه ناس كتير وفيه كاميرات في مكان الواقعة ده غير إن ده مدخل مدرسة ومكان مليان بالناس، وناس كتير شافت الموضوع.