من هو أبو حمزة المتهم بالاتجار في الأعضاء البشرية بقضية صغير شبرا الخيمة؟

السبت 04/مايو/2024 – 06:39 م

كشف قاتل صغير شبرا الخيمة خلال التحقيقات أمام الجهات المختصة، تفاصيل مثيرة في واقعة قتل أحمد المعروف بطفل شبرا، بعد أن استدرجه لشقة سكنية وقتله، وذلك تنفيذا لطلب شخص مصري مقيم بالكويت تعرف عليه بموقع الدارك ويب الخاص بتجارة الأعضاء البشرية، وعن هوية أبو حمزة تاجر الأعضاء البشرية.

اعترافات المتهم بقتل صغير شبرا الخيمة

ويواصل القاهرة 24 نشر تحقيقات القضية رقم 1820 لسنة 2024 إداري قسم أول شبرا الخيمة، وجاءت أقوال قاتل صغير شبرا الخيمة عن هوية أبو حمزة تاجر الأعضاء البشرية كالتالي: اتعرفت على واحد اسمه محمد عزت وشهرته أبو حمزة في شهر سبتمبر من عام ۲۰۲۳ عن طريق صفحة على فيسبوك بتاعته اسمها سلمى.

وأضاف قاتل صغير شبرا الخيمة: أبو حمزة ده سمسار أعضاء بشرية بيوفق المتبرعين والمرضى مقابل مبالغ مالية، وقالي إني ممكن أبيع كليتي مقابل 170 ألف جنيه، وبالفعل جابني بيته بشبرا الخيمة، ونزلني أشتغل في قهوة، لحد ما عملت عملية استئصال الكلية اليسرى في المستشفى الجوي التخصصي، وبعت كليتي مقابل 170 ألف جنيه أخدتهم من أهل المريض في كافتيريا المستشفى.

جريمة قتل صغير شبرا الخيمة

وأضاف قاتل صغير شبرا الخيمة: أنا لما استقريت عند أبو حمزة كنت شغال باليومية في القهوة، وفي نفس الوقت روحت عملت تحاليل في معمل الأنصاري في شبرا مصر عشان أشوف أنسجة الكلية تتوافق مع مين، وأبو حمزة وفقني مع مريض هيدفع المبلغ عشان مش لاقي متبرع، وروحنا مستشفى الجوي التخصصي في التجمع علشان مش بتحتاج ضامن وعملت العملية واستأصلوا كليتي اليسرى.

وأكمل قاتل صغير شبرا الخيمة: أنا أخدت الفلوس في شنطة وكان جزء من الاتفاق إني معرفش هتبرع لمين بكليتي، وصرفت الفلوس في إني أخذت ستوديو مفروش في منطقة الشبراوي – على ناصية قهوة المحروسة – شبرا الخيمة لمدة شهر مقابل 3000 جنيه، وبعد كده أخدت الشقة اللي ارتكبت فيها الواقعة وجبتلها فرش عبارة عن صالون، ثلاجة، غسالة، سخان، بوتاجاز، تليفزيون، وعملت سباكة وتبييض وجبت مروحتين عامود جداد واشتريت هدوم وفرش للسرير.